BRIC Herrialdeen Ekonomiak: Indarguneak eta Ahuleziak

Txina

Indarguneak

• Ekonomia dinamikoena da. Lehen ekonomia planifikatua zen, baina 1979tik aurrera merkatu kapitalistako ekonomia bihurtu da. 9 bilioi ekoizten ditu.
• Munduko fabrika bihurtu da. Goi mailako teknologiaren, ehungintzaren eta jostailuen lehenengo ekoizlea da. Hala ere, produktu asko kopia ilegalak dira.
• Multinazional handien helmuga da, eskulan ugari eta merkea izateagatik.
• Etengabe handitzen ari da bere barne merkatua.
• I+G+B-n gero eta gastu handiagoa egiten ari da, beraz, berrikuntza ahalmena handituko du.
• Bere enpresak nazioartekotzeko politika eragiten ari da; atzerriko multinazionalen zatiak erosten ari dira.
• Planetako dibisa erreserba handienetakoak ditu.

Ahuleziak

• Lan baldintzak oso gogorrak dira. Ez dago elkartzeko askatasunik; komunismoak kontrolatzen du.
• Ez du osasun asegururik, ez dago pentsiorik.
• Kutsadura kontrolaezina da, ingurumena suntsitzen ari da.
• Txinako per capita errenta ez da 7.000 baino handiagoa.

India

Indarguneak

• Negozioetan ingelesa erabiltzeko ohitura.
• Bere barne eskaria: 400 milioi biztanlek erosteko ahalmena dute.
• Atzerriko inbertsioak eta kapitala erakartzen ditu.
• Soldata baxuak.
• Prestakuntza tekniko altuak.
• Natura baliabide garrantzitsuak ditu: munduko te eta esne ekoizle nagusia da; bigarren ekoizlea da fruta, zementu eta ur gezako arrainetan; halaber, altzairu, aluminio eta burdina ekoizten ditu.
• Industria oso dibertsifikatuta dago: software informatikoan garrantzitsuena da; telekomunikazioak izugarri hazi dira; gainera, ehungintza, automobilgintza, farmazeutika eta industria petrokimikoa oso lehiakorrak dira.
• Gero eta berrikuntza ahalmen handiagoa du puntako sektoreetan edo ordezko energietan.
• Nazioartean asko hedatzen ari dira Indiako enpresak.

Ahuleziak

• Milioika biztanle pobrezian bizi dira.
• Biziraupeneko ekonomian murgilduta daude.
• Hezkuntza sistema eta azpiegiturak hobetu behar dira.
• Finantza sistema modernizatu egin behar da.

Brasil

Indarguneak

• Atzerriko inbertsioen hartzaile nagusia da Latinoamerikan.
• Ekoizle nagusietako bat da munduan honako hauetan: nekazaritzan, abeltzaintzan, meatzaritzan eta baso ustiapenean.
• Energia aldetik burujabea da: energia hidroelektrikoa, bioerregaia eta hidrokarburoak.
• Industrietan nabarmenak dira: automobilgintza, kimika eta elektronika.
• Sao Pauloko burtsa Latinoamerikako errentagarriena da.
• Kanpo zorra murriztu du eta dolar erreserba handiak ditu.
• Per capita errenta nabarmen handitzen ari da; gaur egun 11.000koa da.

Ahuleziak

• Biztanleriaren %20 pobrezian dago.
• Ezkutuko ekonomiak garrantzi izugarria du.
• Amazoniako baso soiltze azkarra.
• Hezkuntza, osasuna eta azpiegiturak eskasak dira.

Errusia

Indarguneak

• II. Mundu Gerraren ostean bigarren superpotentzietako bat izan zen.
• Hidrokarburoen erreserba handiak ditu.
• Prestakuntza maila handiko biztanleria du.
• Ekonomia suspertu da bi horien bidez.

Ahuleziak

• Atzerapen teknologikoa eta produktuen kalitate eskasa.
• Gehiegizko burokrazia eta ustelkeria politikoa.
• Ekoizpenaren adar askotan oligopolioak eta monopolioak.