Begiaren Egitura eta Ikusmen Akatsak

Begiaren Osagaiak

• Esklera

  Begia kanpoaldetik babesten duen mintz erresistente eta zuria.

• Kornea

  Aurrealdean dagoen mintz gardena. Dioptrio esferikoa da.

• Irisa

  Begian sartzen den argi kantitatea doitzen duen diafragma.

• Ninia

  Irisaren irekigunea. Argiaren intentsitatearen arabera irekitzen edo ixten da. Argi gutxi dagoenean dilatatzen da eta asko dagoenean uzkurtzen da.

• Kristalinoa

  Kapa ugariz osatutako lente konbergentea (ganbilbikoa). Leuna da. Muskulu ziliarrei esker bere forma aldatzen da, kurbatura ezberdinak hartuz distantzia ezberdinak fokatzen ditu.

• Muskulu Ziliarrak

  Kristalinoaren kurbatura aldatzen dute.

• Erretina

  Begiaren atzealdean dagoen pelikula, non kristalinoak sortu duen irudia hartzen duen. Erretinan bi sentsore mota daude:

  • Konoak: Koloredun ikusmenaz arduratzen dira eta argiaren intentsitatea handia denean lan egiten dute.
  • Makilak: Zuri-beltzeko ikusmena kontrolatzen dute eta argiaren intentsitatea baxua denean lan egiten dute.

  Erretinak ninatik sartzen den argia xurgatzen du (ez da ezer islatzen), baina argi gehiegi dagoenean, erretinak ezin du guztia xurgatu eta kolore gorria islatzen du.

• Nerbio Optikoa

  Nerbio honetatik irudia burmuinera doa eta burmuinak irudia hautematen du.

Moldaketa (Akomodazioa)

Muskulu ziliarrek kristalinoa desitxuratzen dute objektu bat fokatzeko. Muskuluak erlaxatuta daudenean, kristalinoa mehea da eta irudia erretinan sortzen da; hau da, foku irudia (F') erretinan dago.

Objektuak oso hurbil daudenean, kristalinoak ez du nahiko errefraktatzen eta irudia erretinaren atzetik agertuko litzateke. Hori dela eta, hurbil dagoen objektu bat fokatu nahi izatekotan, muskulu ziliarrek kristalinoa konprimitzen dute, bere kurbatura handituz. Foku-distantzia (f') txikitzen da eta irudia erretinan sortzen da. Era honetan, kristalinoaren eta irudiaren arteko distantzia beti berdina da.

Begi gazte eta akatsik gabeko batek hurbileko puntua 25 cm-ra dauka, eta urruneko puntua infinitoan suposatzen da.

Ikusmen Akatsak

Miopia

Begia konbergenteegia da. Begia erlaxatuta dagoenean, F' erretinaren aurrean dago eta urrun dauden objektuak ez dira garbi ikusten. Hurbiletik ez dago arazorik; akatsik gabeko begi batek baino hobeto ikusten dute. Miopia zuzentzeko lente dibergenteak erabiltzen dira, eta haien potentzia negatiboa begiaren potentzia positiboari gehitu ondoren, irudiak erretinan sortzen dira.

Hipermetropia

Hurbil dauden objektuak fokatzeko zailtasuna. Begia ez da behar den bezain konbergentea eta irudia erretinaren atzean sortzen da. Lente konbergenteak erabiltzen dira begiari falta zaion potentzia emateko.