Astronomía, Galaxias e Recursos Naturais: Corrección de Contidos

Enviado por Chuletator online y clasificado en Química

Escrito el 21 de Febrero de 2026 en gallego con un tamaño de 4,74 KB

Pregunta 1: Ptolomeo e o Xeocentrismo

A Terra no centro e os demais astros orbitando arredor dela. O Sol, a Lúa e a bóveda estelar parecen xirar polo ceo a diario.

O astrónomo Ptolomeo desenvolveu un sorprendente modelo coa Terra no centro e os astros xirando ao redor, pero os planetas con movemento retrógrado describían, ademais da súa órbita arredor da Terra, un xiro secundario chamado epiciclo. O modelo de Ptolomeo mantívose en Occidente durante uns séculos, mesmo durante toda a Idade Media, por ser compatible coas ideas relixiosas reinantes.

Heliocentrismo Copernicano

A astronomía renacentista volveu apoiarse en observacións obxectivas. O astrónomo polaco Copérnico retomou a hipótese que xa propuxera un antigo astrónomo grego, Aristarco de Samos, e desenvolveu un modelo do universo heliocentrico, co Sol no centro e os planetas, mesmo a Terra, xirando arredor.

Pregunta 4: As Galaxias

Son enormes acumulacións de materia nas que hai estrelas e outros corpos, gases, po cósmico e materia escura, unidos gravitacionalmente.

Distintos tipos de galaxias

Elípticas: Forma de elipse, compostas por estrelas vellas e as máis grandes que hai son as xigantes elípticas.
Lenticulares: Grupo intermedio entre as elípticas e as espirais. Forma de disco aplanado, cunha concentración de estrelas central e sen brazos.
Espirais: Galaxias cun núcleo central de gran densidade estelar e con brazos en forma de espiral onde se están a xerar novas estrelas.
Espirais Barradas: Galaxias espirais con brazos, pero o seu núcleo ten a forma dunha banda alongada.
Irregulares: Carecen dunha estrutura común, non presentan núcleo e teñen un aspecto caótico. Compostas por estrelas novas e conteñen grandes cantidades de gas e po intersetelares.

A Vía Láctea

A Terra está no interior dunha galaxia e todos os datos parecen indicar que se trata dunha galaxia espiral barrada cun núcleo en forma elíptica en vez de esférica e dous brazos principais que saen dos extremos da barra central.

Denomínanse brazo de Perseo e brazo de Escudo-Centauro. Ademais hai catro brazos secundarios que saen dos principais: o de Saxitario, o de Norma, o exterior e o de Orión, no cal se encontra o Sol.

A esta galaxia onde está o Sol dámoslle o nome de Vía Láctea, que contén entre 200.000 e 400.000 millóns de estrelas, e ten un diámetro medio duns 100.000 anos luz.

A Vía Láctea forma parte dun núcleo dunhas 40 galaxias ao que chamamos Grupo Local.

Pregunta 9: Que recursos se esgotan?

Recursos renovables

Recursos que se poden restaurar mediante procesos naturais de xeito tan rápido que percibimos que hai unha achega continua deles e que non se esgotan por moito que se consuman. Son deste tipo, por exemplo, a luz solar ou o vento.

Recursos non renovables

Rexenérense en procesos xeolóxicos ou fisicoquímicos que teñen lugar en períodos que duran millóns de anos. Por esa razón consideramos que existen en cantidades fixas, que chamamos reservas, que se van esgotando a medida que se consumen. Por exemplo, os combustibles fósiles (carbono, petróleo, gas natural) e os minerais.

Recursos potencialmente renovables

Rexéneranse de forma natural en períodos curtos, pero que deben ser consumidos sen superar ese rendemento de renovación, xa que doutro modo producirase o seu esgotamento temporal ou definitivo. Entre eles atópanse o aire, a auga doce, o solo ou os seres vivos.

Chamámoslle sobreexplotacións á extracción do medio dun recurso non renovable ou potencialmente renovable en tal cantidade e a tal velocidade que non ten tempo de rexenerarse.

Pregunta 10: Os Residuos

Son obxectos ou materiais que tras o seu uso se desbotan por considerarse inservibles para o seu propósito inicial.

Que residuos xeramos?

Segundo a súa perigosidade poden ser:
- Residuos tóxicos e perigosos: que conteñen unha ou máis substancias prexudiciais en concentracións tales que representan un risco para a saúde humana, os recursos ou o medio.
- Residuos inertes: non son perigosos a priori e non experimentan transformacións químicas, físicas ou biolóxicas significativas.
Segundo a súa procedencia:
- Industriais, agrícolas e gandeiros, mineiros, sanitarios, residuos sólidos urbanos.

Entradas relacionadas:

Etiquetas: