Actividades económicas e sectores en Europa e España

Actividades económicas

Denominamos actividades económicas ao conxunto de accións realizadas polos seres humanos para satisfacer as súas necesidades mediante a produción e o intercambio de bens e servizos.

As actividades económicas proporcionan traballo ás persoas. Mediante o traballo, as persoas conseguen:

• O diñeiro.
• O desenvolvemento das capacidades persoais e profesionais.
• Sentirse útiles para a sociedade.

Clasificación das actividades económicas

Clasificación das actividades económicas:

• Produción: permiten a elaboración e fabricación dos bens e a provisión de servizos.
• Distribución: os produtos distribúense a través da comercialización, que consiste na venda dos bens e servizos no mercado.
• Consumo: o consumo masivo orixinou o consumismo e denominou a sociedade de consumo.

Sectores de produción

Hai tres sectores de produción:

• O sector primario.
• O sector secundario.
• O sector terciario.

Sector primario en Europa

É a extracción directa de bens da natureza, sen transformacións. Exemplos: agricultura, gandería, silvicultura e pesca.

Agricultura

Os cultivos máis abondantes: cereais, pataca e remolacha. Cultívanse principalmente en Europa Central e Rusia. Na zona mediterránea os principais cultivos son os cereais, a vide e a oliveira.

Gandería

É intensiva no norte e no centro de Europa, con grandes explotacións de gando bovino, ovino e porcino. Nos países mediterráneos predomina a gandería extensiva e críanse gando ovino e bovino.

Pesca

É un sector moi importante para países como Rusia, Noruega, Islandia, Dinamarca, España e Reino Unido. Estes dispoñen dunha importante flota pesqueira industrial.

Silvicultura

A explotación forestal localízase, sobre todo, nos países do norte. A madeira das árbores utilízase para a fabricación de mobles e de papel.

Sector primario en España

No noso país a produción agrícola aumentou grazas a dúas causas principais:

• As novas tecnoloxías.
• A mecanización e a fabricación de equipamentos agrícolas.

Segundo as condicións climáticas e o relevo do noso país a agricultura pode ser:

• Cultivos de secano: trigo, vide, oliveira, cebada, xirasol.
• Cultivos de regadío: froitas, hortalizas, millo e patacas.

No sur da península, sobre todo en Almería, desenvolveuse unha agricultura intensiva de invernadoiro.

Gandería en España

Destaca a cría de gando bovino, ovino e porcino. Animais de granxa: galiñas, pintos e coellos. No sur do país críanse cabalos e cabras.

Pesca en España

España é un dos primeiros produtores e consumidores. Practicamos dous tipos de pesca:

• Pesca de baixura ou artesanal: realízase nas augas próximas ao litoral e abastece de peixe fresco.
• Pesca de altura: realízase nas grandes zonas pesqueiras do mundo en grandes barcos equipados para conxelar as capturas.

Silvicultura en España

A cortiza é o principal recurso forestal de España; tamén abundan os eucaliptos.

Sector secundario en Europa e en España

A U.E. é unha das primeiras potencias industriais do mundo, xunto cos Estados Unidos e Xapón. Os países máis industrializados da U.E. son:

• Alemaña
• Francia
• Reino Unido
• Italia
• España
• Países Baixos

Este sector inclúe: a industria, a enerxía, a construción e a minaría.

Industria

Debemos distinguir entre a industria de base (bens de equipo) e a industria de consumo.

Enerxía

As principais fontes enerxéticas son o petróleo, o gas natural, a enerxía nuclear e a enerxía hidroeléctrica.

• O petróleo e o gas natural europeos proceden de Rusia.
• A enerxía nuclear é importante en Francia, Reino Unido e Alemaña.
• As instalacións hidroeléctricas máis importantes están en Noruega, Suecia, Francia, Italia e España.

Minaría

A maior parte dos xacementos europeos están esgotados e xa non se explotan. Só quedan minas importantes en Rusia.

Construción

Este sector abarca a construción de infraestruturas, instalacións industriais e vivendas.

• A construción de infraestruturas é importante nos países do leste.
• As instalacións industriais son importantes nos países de Europa Central.
• A construción de vivendas medra aos poucos nos países mediterráneos.

O sector secundario en España

Industria: a industria do automóbil localízase en Castela e León, Cataluña, Comunidade Valenciana, Aragón e Galicia. A industria farmacéutica concéntrase en Cataluña, Madrid e no País Vasco. A industria petroquímica destaca polas refinarías de petróleo. A industria agroalimentaria está diseminada por case todo o territorio español.

Fontes de enerxía: as fontes de enerxía renovables son a enerxía eólica, a solar e a hidráulica. España é un dos países coa maior produción deste tipo. As non renovables son o carbón, o petróleo, o gas natural e o uranio. En España hai poucos xacementos.

Minaría: aínda hai explotacións de rochas industriais como o mármore, o granito, a lousa e o xeso.

Construción: distribúense por todo o territorio español. Algunhas empresas españolas traballan en proxectos de obra civil en países como Arabia Saudita e Panamá.

Sector terciario en Europa e en España

Comercio

O comercio internacional medrou moito e representa unha parte importante das importacións e exportacións mundiais.

Transportes

O transporte por estrada é o máis importante. Europa conta cunha gran rede de autoestradas e autovías. No transporte marítimo, a Unión Europea dispoñen de portos moi activos, como Roterdán, Marsella ou Barcelona. O transporte aéreo e os aeroportos están entre os mellores do mundo.

Turismo

Os estados membros son un gran foco emisor e receptor de turistas a escala internacional, grazas ao elevado nivel de vida dos cidadáns europeos e á oferta turística de numerosos países.

Servizos públicos

Os máis importantes son a sanidade e a educación. Están garantizados polos diferentes Estados e xestionados directamente por eles ou a través de empresas privadas. Son elementos clave da chamada sociedade do benestar.

O sector terciario en España

Servizos: hai dous tipos de servizos:

• Servizos públicos: sanidade, educación e xustiza.
• Servizos financeiros: aumentaron a súa presenza no mundo, sobre todo en América Latina.

Comercio en España

Hai dous tipos de comercio:

• Comercio interior: está formado polo pequeno comercio en competencia coas grandes superficies, aínda que é máis frecuente o comercio electrónico.
• Comercio exterior: é froito das relacións comerciais de España co exterior, principalmente cos países da U.E.

Turismo en España

As principais zonas turísticas son Baleares, Canarias e o litoral mediterráneo. O turismo é a actividade económica máis importante da economía española porque dá traballo a unha gran cantidade da poboación activa.

Transportes e comunicacións

O transporte terrestre é o máis importante e caracterízase por unha densa disposición de vías de comunicación. Nos últimos anos, o uso do tren de alta velocidade experimentou un grande auxe grazas ao desenvolvemento tecnolóxico español. Recentemente producíronse importantes transformacións no sector audiovisual e das telecomunicacións.

A poboación

Densidade

Densidade: relación entre a poboación dun territorio e o espazo que ocupa.

Fórmula:

Densidade de poboación = Número de habitantes / Superficie (km²)

Evolución e transformación

1. Movimentos migratorios: desprazamentos humanos dun lugar a outro que levan a un cambio de residencia.

Segundo o sentido dos desprazamentos:

• Emigración: saída de poboación dun lugar para dirixirse a outras zonas.
• Inmigración: entrada de poboación nun lugar determinado procedente doutras zonas de residencia.

As migracións clasifican(se) en:

• Migracións interiores: movementos de poboación dentro dun país.
• Migracións exteriores: movementos de poboación dun país a outro.

O saldo migratorio é a diferenza entre o número de inmigrantes e emigrantes dun territorio nun ano.

Fórmula:

Taxa de saldo migratorio = (Inmigrantes – Emigrantes) x 1000 / Poboación total

2. Natalidade: nacementos nun territorio nun período de tempo concreto (habitualmente un ano).

Fórmula:

Taxa de natalidade = Nacidos nun ano x 1000 / Poboación total

3. Mortalidade: falecementos nun territorio nun período de tempo concreto (habitualmente un ano).

Fórmula:

Taxa de mortalidade = Falecidos nun ano x 1000 / Poboación total

Crecemento natural = Natalidade – Mortalidade

Crecemento real = Crecemento natural + Saldo migratorio